+7 (777) 001 44 99
Қазақша
Русский
English
Қазақша
Русский
English
"Қазақстан темір жолы" ұлттық компаниясының (ҚТЖ) басқарма төрағасы Нұрлан Сауранбаев жалақысының мөлшерін айтты, - деп хабарлайды Tengrinews.kz тілшісі.
"Менің жалақым – 1 миллион теңге. Төлемдерге келетін болсақ – бізге төленетін төлемдер (әңгіме бонустар туралы – еск.), баллдық жүйе бар, әркімде әртүрлі, қазір, өкінішке қарай, бұл соманы айта алмаймын", - деді Сауранбаев Сенат кулуарында.
Ол ҚТЖ басқарма мүшелеріне сыйлықақы берілмейтінін, жыл аяғында бонустар төленетінін айтты.
"Бұл көрсеткішті қазір айта алмаймын, бірақ оны жариялаймыз", - деп сендірді ұлттық компанияның басқарма төрағасы.
Нұрлан Сауранбаев ҚТЖ ұлттық компаниясының басқарма төрағасы болып 2021 жылдың сәуірінде тағайындалған болатын. 2022 жылы ол компанияның жалақы қоры 331 миллиард теңге болатынын хабарлады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
