1. Басты
  2. Біл
  3. Жаңалықтар
  4. Ел жаңалықтары

ҚТЖ вице-президентінің міндетін атқарушы тағайындалды

© facebook.com © facebook.com

"Қазақстан Темір жолы" ұлттық компаниясы вице-президентінің міндетін атқарушы тағайындалды, - деп хабарлайды Tengrinews.kz тілшісі "Қазақстан темір жолы" ҰК" АҚ баспасөз қызметіне сілтеме жасап.

"Қазақстан темір жолы" Ұлттық компаниясы" акционерлік қоғамының президенті Қанат Алпысбаевтың 31.03.2017 жылғы №111 бұйрығымен қаржы жөніндегі вице-президентінің міндетін атқарушы болып Жасұлан Мәдиев тағайындалды", - деп хабарлады баспасөз қызметіндегілер.

Жасұлан Хасенұлы Мәдиев 1983 жылы туған. Әл-Фараби атындағы Қазақ ұлттық университетін, Колумбия университетін, Нью-Йорк халықаралық қатынастар және мемлекеттік басқару мектебін, Массачусетс технологиялық институтын, Слоун бизнес мектебін бітірген.

"Альянс банкі" АҚ, ҚР Ұлттық банкі, "Қазақстанның даму банкі" АҚ, "Самұрық-Қазына" ҰӘҚ" АҚ, "Қазына" тұрақты даму қоры" АҚ түрлі лауазымды қызметтер атқарды.

Соңғы кездері "Ұлттық инвестициялық корпорация" aкционерлік қоғамында және ҚР премьер министрінің кеңесшісі қызметтерін атқарды.