+7 (777) 001 44 99
Қазақша
Русский
English
Алматыда былтыр тұрғандар шағымынан кейін жөнделген жол тағы да бұзылып жатыр. Бұл туралы Алатау ауданының тұрғындары мәлім етті, - деп хабарлайды Tengrinews.kz тілшісі.
Әлеуметтік желілерде Алатау ауданы Көкорай көшесінде тұратын тұрғындардың видеосы пайда болды. Олар жаңа тасжол жабынын бұзып жатқанына таңданады.
"Былтыр шағымдардан кейін жол жасалып, жаңа асфальт төселді. Жолдың бүгінгі жағдайы мынау. Не үшін?", - дейді видео авторы.
Әлеуметтік желі қолданушыларының бірі "құбыр тартуды ұмытып кетіпті" дейді.
Посмотреть эту публикацию в Instagram
Tengrinews.kz тілшісі Алматы әкімдігіне хабарласып, Көкорай көшесінде шынымен инженерлік желілер жүргізіліп жатқанын анықтады.
Алатау ауданының Шаңырақ-1 шағын ауданында биыл су құбыры мен кәріз жүйесі жүргізіледі. Қаланың энерготиімділік және инфрақұрылымдық даму басқармасы жобалық-сметалық құжаттама әзірлеген.
"Бүгінде құрылыс жұмыстары басталды. Мердігер ұйым - "Сапа Құрылыс-2007" ЖШС. Көкорай көшесінде мердігерлік ұйыммен су және кәріз құбырларының құрылысы бойынша жұмыстар жүргізіліп жатыр. Алатау ауданы әкімінің аппараты өкілдері оқиға болған жерге барды. Мердігерлік ұйыммен түсіндіру жұмыстары жүргізілді. 2021 жылдың 30 мамырына дейін Көкорай көшесі толығымен қалпына келтіріледі. Ол туралы қосымша айтамыз. Бұл мәселе аудан әкімдігінің қатаң бақылауында", - деді Алматы әкімдігіндегілер.
Айта кетейік, қазақстандықтар жол сапасына жиі шағымданады. Алматы облысындағы Үштөбе қаласы тұрғындарының бір бөлігі 48 көшеде су құбыры төселгеннен кейін жолсыз және сусыз қалғанын айтқан еді. Олар аулаға тіпті ауыр техникамен де өту мүмкін емес дейді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
