Қыз алып қашу оқиғасы: ер адам 12 жылға дейін бас бостандығынан айырылуы мүмкін

Фото ©️ Tengrinews.kz / Әлихан Сариев

Шымкентте қалыңдық ұрлау дерегі бойынша соталды тергеп-тексеру басталды, - деп хабарлайды Tengrinews.kz тілшісі Шымкент прокуратурасына сілтеме жасап.

Шымкентте қалыңдық ұрлау дерегі бойынша соталды тергеп-тексеру басталды, - деп хабарлайды Tengrinews.kz тілшісі Шымкент прокуратурасына сілтеме жасап.

Биыл 16 қаңтарда Шымкент полициясының кезекші бөліміне азаматша М.А. қызын үйлену мақсатында белгісіз ер азаматтың ұрлап кеткені туралы хабарлаған.

"Аталған факт бойынша Қазақстан Республикасының Қылмыстық кодекснің 125-бабы 2-бөлігі 1) тармағының негізінде ("Адамды ұрлау") соталды тергеп-тексеру басталып, нәтижесінде Маңғыстау облысының "Г" есімді тұрғыны ұсталып, екі айға қамауға алынды. Тергеп-тексеру барысында барлық мән-жай анықталады", - делінген хабарламада.

Мұндай қылмысты жасағаны үшін кінәлілердің мүлкі тәркіленіп, оларға қатысты жетi жылдан он екi жылға дейiнгi мерзiмге бас бостандығынан айыру жазасы қолданылуы мүмкін.