+7 (777) 001 44 99
Қазақша
Русский
English
24 қаңтар 2020 | 14:15
"Қызға қатысты қызғаныш". Ақтөбелік оқушы төбелестен кейін ауруханаға түсті
Ақтөбеде №10 мектептің 11-сынып оқушылары арасында төбелес болып, жасөспірім ауруханадан бір шықты, деп хабарлайды Aktobenews.kz тілшісі.
ПОДЕЛИТЬСЯ
Ақтөбеде №10 мектептің 11-сынып оқушылары арасында төбелес болып, жасөспірім ауруханадан бір шықты, деп хабарлайды Aktobenews.kz тілшісі.
Жоғары сынып оқушылары арасындағы жанжалға қатысты тергеу жүріп жатыр. 17 қаңтарда тіркелген оқиғаға қатысты "Бұзақылық" бабымен іс қозғалды. Мектеп басшылары оқушылардың қыз үшін қырқысқанын растайды.
"Төбелес қызға қатысты қызғаныштан болған. Ұрған бала жәбірленушінің сыныптас қызымен бір жылдан бері достық қатынаста болған. Оқиғаға қатысқан төрт баланың да сабақтары жақсы, толық отбасынан, бәрі де осыған дейін әдепсіз қылық көрсеткен жоқ",-дейді №10 мектеп директорының тәрбие ісі жөніндегі орынбасары Нәзия Елбаева.
Тәртіп сақшылары кінәлі оқушыларды есепке алған.
"Қазір оқиғаға қатысты "Бұзақылық" бабымен қылмыстық іс қозғалды. Жасөспірімдер есепке алынды", - дейді Ақтөбе қаласы Астана ауданының инспекторы Салтанат Көшқалиева.
Өткен жылы Ақтөбе облысында 122 жасөспірім қылмыстық жауапқа тартылған. Үш қылмыс адам өлімімен аяқталған.
Показать комментарии
Читайте также
