+7 (777) 001 44 99
Қазақша
Русский
English
Батыс Қазақстан облысында жеке тұлғалардан 24 пайыздан 54 пайызға дейінгі мөлшерде төлемдер беру уәдесімен қаражат тарту мақсатында Life is good және Hermes жобалары бойынша қаржылық (инвестициялық) пирамидаларын ұйымдастыруға күдікті тұлғаларға қатысты қылмыстық істі ҚМА аумақтық депаратменті тергеп жатыр, - деп хабарлайды Tengrinews.kz тілшісі ҚМА мәліметіне сілтеме жасап.
ҚМА мәліметінше, тартылған қаражат көлемі 120 миллион теңге болған.
"Қазіргі уақытта қаржылық пирамиданы ұйымдастырды деген күдікпен ілінген азаматша ұсталып, соттың санкциясымен екі ай мерзімге қамауға алынды. Соталды тергеп-тексеру жалғасып жатыр", - делінген хабарламада.
Егер сіз не жақындарыңыз қаржы пирамидасының әрекетінен зардап шексеңіз, ҚМА саll-орталығына хабарласу ұсынылады.
Еске салайық, бұған дейін Қаржылық мониторингі агенттігі қаржы пирамидасы ретінде әрекет етеді деген күдікке ілінген, сондай-ақ сот үкімі шыққан ұйымдардың кеңейтілген тізімін жариялаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
