1. Басты
  2. Біл
  3. Жаңалықтар
  4. Ел жаңалықтары

Лимана Қойшиева президенттікке өзін-өзі ұсыну шешімі жөнінде пікір білдірді 10 наурыз 2015, 19:43

Президенттікке үміткер жалғыз әйелдің пікірінше, оның мақсаты барлық қазақстандықтың арман-тілектерімен үндеседі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фотосурет Лимана Қойшиеваның жеке мұрағатынан Фотосурет Лимана Қойшиеваның жеке мұрағатынан

Лимана Қойшиева Tengrinews.kz тілшісіне кезектен тыс президент сайлауына өзін-өзі ұсыну шешімі туралы айтып берді. 

"Қазақстан азаматшасы, патриоты, елде өз балаларын тәрбиелеп отырған ана ретінде менің де Отанымызға қатысты арман-тілектерім бар. Мен бұл арман-тілектер отандастарымның, атап айтқанда, әйелдердің, аналардың тілегімен ұштасып жатыр деп ойлаймын. Менің шешімім бұл арманға сәл де болса жақындатады және ел өміріне, халықтың санасына ықпал етеді деп үміттенемін", - деді ол. "Әйел - бейбітшілік пен қайта өрлеудің символы. Ана үшін бірлік, келісім, тұрақтылық деген ұғымдар аса маңызды", - деді Қойшиева. 

Лимана Қойшиеваның екі жоғары білімі бар. Ол әл-Фараби атындағы Шымкент мәдениет педагогикалық институтын "әдіскер-ұйымдастырушы" мамандығы бойынша және Тараз мемлекеттік педагогика институтының педагогика және психология факультетін тәмамдаған. Өзін-өзі ұсынушы ешқандай партияға мүше емес, орыс және қазақ тілдерін жетік меңгерген. 

Қойшиева тұрмыс құрған, ұлдары бар. "ҚР президенті сайлауына өз кандидатураңызды ұсынғаныңызға отбасыңыз қалай қарады?" деген сауалға ол: "Мен өзімнің барлық шешімімді отбасыммен ақылдасып аламын. Олар мені қолдады", - деп жауап берді.