Лукашенко Тоқаевқа: "Біздің көзқарасымыз бір"

Айдос Қосыбаев

Жоғары Еуразиялық экономикалық кеңес аясында өткен кездесу барысында президенттер Қазақстан мен Беларусь арасындағы көпжақты ынтымақтастықтың өзекті мәселелерін талқылады. Сауда-экономикалық қатынастар мен халықаралық ұйымдар аясындағы өзара іс-қимылға баса мән берілді, - деп хабарлайды Tengrinews.kz тілшісі Ақорда сайтына сілтеме жасап.

Жоғары Еуразиялық экономикалық кеңес аясында өткен кездесу барысында президенттер Қазақстан мен Беларусь арасындағы көпжақты ынтымақтастықтың өзекті мәселелерін талқылады. Сауда-экономикалық қатынастар мен халықаралық ұйымдар аясындағы өзара іс-қимылға баса мән берілді, - деп хабарлайды Tengrinews.kz тілшісі Ақорда сайтына сілтеме жасап.

Қасым-Жомарт Тоқаев Александр Лукашенконың алдағы Қазақстанға жоспарланған сапарының маңыздылығын атап өтті.

"Біз сіздің Қазақстанға ресми сапарыңызды күтеміз. Оған жан-жақты дайындалып жатырмыз. Біздің мемлекеттер арасындағы қатынас стратегиялық сипатта құралған. Қазақстан беларусь халқының тарихын, мәдениеті мен менталитетін құрметтей отырып, сіздерге ерекше ықылас танытады", - деді Мемлекет басшысы.

Өз кезегінде Беларусь Президенті алдағы Қазақстанға сапары екіжақты ынтымақтастықтың жаңа кезеңінің бастауы болатынын атап өтті.

"Мен сізге ЕАЭО аясында бірлесе жұмыс істегеніміз үшін ризашылығымды білдіремін. Біздің көзқарасымыз бір. Қазақстанда сындарлы ұстаным бар. Сондықтан өзара ынтымақтастығымызды дамытуға дайынбыз. Біз екі ел арасындағы қарым-қатынастың тамырын тереңдете түсуге ниеттіміз", - деді Александр Лукашенко.

Тоқаев Қасым-Жомарт соңғы жаңалықтар Лукашенко Александр Беларусь