+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"МАЭК-Қазатомөнеркәсіп" ЖШС қызметкерлерге берілетін сыйақы мөлшері көрсетілген құжатқа қатысты пікір білдірді, - деп хабарлайды Tengrinews.kz тілшісі.
"МАЭК-Қазатомөнеркәсіп" ЖШС қызметкерлерге берілетін сыйақы мөлшері көрсетілген құжатқа қатысты пікір білдірді, - деп хабарлайды Tengrinews.kz тілшісі.
"Ақпанда еңбек арбитражының шешімі негізінде ЖШС басшылығы өндірістік қызметкерлердің жалақысын 30 пайызға көтеру туралы шешім қабылдады, соның салдарынан ЖШС-нің жалақы шкаласы біркелкі емес болды. Мысалы, өндірістік бөлімшелердің экономистерінің жалақысы комбинат басқармасының (КБ) экономистерінен жоғары болды", - деп түсіндірді ЖШС өкілдері.
КБ қызметкерлері үшін жұмыс күні сағат 8:00-де басталып, 16:45-те аяқталатыны, бір түскі үзіліс - сағат 12:00-ден 12:45-ке дейін болатыны хабарланды.
"Жыл басынан бері КБ-нің жекелеген қызметкерлері үстеме жұмыстарға тартылды, соның ішінде демалыс және мереке күндері, осыған байланысты КБ-ның білікті қызметкерлері қызметтен кетті. Үстеме жұмыстарға, сондай-ақ демалыс күндері, мереке күндері қызметкерлер ешқандай қосымша ақы алмаған, дегенмен ішкі тәртіп ережелеріне сәйкес, сондай-ақ қолданыстағы заңнамаға сәйкес жұмыс беруші демалыс және мереке күндері де артық жұмыс уақытын төлеуге міндетті.
ЖШС-ның үстеме жұмысына, сондай-ақ демалыс және мереке күндеріне ақы төлеу бойынша қаржылық ауыртпалығын болдырмау мақсатында ЖШС басшылығы үстеме жұмысқа тартылған КБ қызметкерлеріне бір реттік сыйлықақы беру туралы шешім қабылдады", - деп түсіндірді компания өкілдері.
Компания мәліметінше, өндірістік қызметкерлерде артығымен жұмыс істеу болған жағдайда үстеме жұмыс ақысы қолданыстағы заңнамаға сәйкес төленеді.
"Биыл апаттық жөндеуді сәтті орындағаны үшін өндірістік бөлімшелердің қызметкерлері сыйақы алды. 2022 жылдың III тоқсанының қорытындысы бойынша, ЖШС өндірістік қызметкерлері ғана сыйақы алды.
Жоғарыда айтылғандарға байланысты "еңбекақы төлеу жүйесі туралы ереже" негізінде артық жұмыс уақытына тартылған АӨК қызметкерлерін ынталандыру мақсатында ЖШС басшылығы АӨК қызметкерлеріне сыйақы беру туралы шешім қабылдады. Төлемдер бос лауазымдар есебінен қаражат үнемдеу есебінен жүргізілді", - деді компания өкілдері.
Еске салайық, бұған дейін YNTYMAQ кәсіподағының төрағасы Асқар Қойшыбай Facebook-парақшасында "МАЭК-Қазатомөнеркәсіп" ЖШС қызметкерлеріне берілетін сыйақы мөлшері көрсетілген құжатты жариялап, бұл мәселеге байланысты Маңғыстау облысының сыбайлас жемқорлыққа қарсы қызмет департаментіне үн қатқан болатын. Құжатта қызметкерлерге сыйақы 217 430 теңгеден 1 169 000 теңгеге дейін берілетінін көруге болады.
Айта кетейік, "МАЭК-Қазатомөнеркәсіп" - Маңғыстау облысында энергиямен жабдықтаудың ірі көзі саналатын көпсалалы энергетикалық кәсіпорын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
