+7 (777) 001 44 99
Қазақша
Русский
English
Қазақша
Русский
English
Сотта Қайрат Сатыбалдыұлының бұрынғы әйелі - Гүлмира Сатыбалдыдан жауап алу басталды, - деп хабарлайды Tengrinews.kz тілшісі.
Астанада кәсіпкер Қайрат Сатыбалдыұлының бұрынғы әйелі Гүлмира Сатыбалдыға қатысты сот процесі жалғасып жатыр. Ол адам ұрлады және озбырлық жасады деп айыпталған, ал екі кәсіпкер бизнесті рейдерлік жолмен басып алу туралы мәлімдеді.
Бүгін сотта күдіктілерден жауап алу басталды. Гүлмира Сатыбалдыға алдымен адвокаттары сұрақ қойды.
Оған бұрынғы күйеуінен қолдау болды ма деген сұрақ қойылды.
"Қайрат Сатыбалды екеуміздің ажырасқанымызға 20 жыл болды. 2002 жылы желтоқсанда бөлек кеттік. Мен ол кезде мемлекеттік органдарда жұмыс істедім, декларация тапсыруым керек еді. Қайрат маған айтпай ажырасып алған. Содан мен балалармен кеттім. Міне, ашық әңгіме. Менің оған ешқандай шағымым жоқ. Қайрат Сатыбалды Тұңғыш Президенттің немере інісі, бәрі оның алдында жүгіреді. Мен әрқашан екінші орында болдым. Оның үстіне мен көпбалалы отбасынан шыққанмын. Ата-анамның 10 баласы болды. Мен жетінші баламын. Сондықтан Қайраттай жігітке тұрмысқа шыққаныма қуандым. Одан үш баланы дүниеге әкелдім", - деді Сатыбалды.
Сотталушы Қайрат Сатыбалдыұлымен ажырасқаннан кейін мемлекеттік органдарда жұмыс істегенін айтты.
"2002 жылы мен ажырастым. ОСК-ға маман болып жұмысқа орналастым, кейін Конституциялық кеңеске, кейін Мемлекеттік басқару академиясын бітіріп, Білім министрлігіне ауыстым. Одан кейін Америкаға кеттім. Мен Қайрат Сатыбалдымен араласпадым деп айтпаймын. Мен онымен сөйлесіп, талап еттім. Ол әке ретінде балаларын лайықты қамтамасыз етті. Оқу мен пәтер ақысын төледі, үш бала да Америкада мектеп бітірді, Қазақстанда жоғары білім алды", - деп қосты әйел.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
