+7 (777) 001 44 99
Қазақша
Русский
English
Сотталған Бағлан Майлыбаевтың жылжымайтын мүлігі мемлекеттік органдарға беріледі, - деп хабарлайды Tengrinews.kz тілшісі Астана қаласы бойынша Мемлекеттік мүлік және жекешелендіру департаментіне сілтеме жасап.
"Департамент Есіл аудандық № 2 сотының 2017 жылдың 13 маусымында Майлыбаев Бағлан Асаубайұлыға қатысты қозғаған қылмыстық ісіне орай әкімшілік ғимаратты есепке алды: Астана қаласы, Айманов көшесі, жалпы аумағы - 1554, 9 шаршы метр", - деп хабарлады Мемлекеттік мүлік және жекешелендіру департаментіндегілер.
Бұл ғимарат ҚР Президенті Әкімшілігі басшысының бұрынғы орынбасары Бағлан Майлыбаевқа қатысты қылмыстық іске шыққан сот үкімімен тәркіленген болатын.
Ведомстводағылар биыл 5 қыркүйекте www.gosreestr.kz сайтында осы ғимараттың 171 550 000 теңгеге саудаға қойылғанын айтып өтті.
Еске сала кетейік, Бағлан Майлыбаев 16 қаңтарда қамауға алынған болатын. ҚР Ұлттық қауіпсіздік комитеті Майлыбаевты Қазақстан Республикасы Қылмыстық кодексінің 185-бабы 1, 3-бөлігінде көзделген ("Мемлекеттiк құпияларды заңсыз жинау, тарату, жария ету") қылмыстарды жасады деген күдікпен ұстаған еді. Сондай-ақ, мемлекеттік құпияны жариялады деген күдікпен ҚР Президенті Әкімшілігінің қызметкері Николай Галихин ұсталған болатын.
