+7 (777) 001 44 99
Қазақша
Русский
English
Қазақстанда бір мандатты округтер бойынша Мәжіліс сайлауына 609 кандидат ұсынылды, оның 525-і өзін-өзі ұсынған, - деп хабарлайды Tengrinews.kz тілшісі.
ОСК төрағасының орынбасары Константин Петровтың айтуынша, Мәжіліс 98 депутаттан тұрады, оның 69-ы партиялық тізім бойынша, 29-ы бір мандатты аумақтық округтерден сайланады.
Сайлауға жеті саяси партия қатысуға рұқсат етілген.
Мәжіліс депутаттығына кандидаттар ұсыну 8 ақпан 18.00-де аяқталған болатын.
ОСК мәліметінше, 7 партиялық тізім Мәжіліс депутаттығына 283 кандидат ұсынылды:
1."Қазақстан халық партиясы" - 52 кандидат;
2."Ақ жол" Қазақстан демократиялық партиясы - 54 кандидат;
3."Ауыл" халықтық-демократиялық патриоттық партиясы - 25 кандидат;
4."Amanat" партиясы - 90 кандидат;
5."Respublica" партиясы - 25 кандидат;
6.Жалпыұлттық социал-демократиялық партия - 19 кандидат;
7."Байтақ" жасылдар партиясы - 18 кандидат.
Петров бір мандатты округтер бойынша 609 кандидат ұсынылғанын айтты. Оның ішінде 79 кандидат жеті саяси партиядан, бес кандидат төрт қоғамдық бірлестіктен, 525 кандидат өзін-өзі ұсынған кандидаттар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
