12 қаңтар 2021 | 10:26

Мәжілісте Nur Otan, "Ақ жол" және ҚХП қанша орын алды?

Орталық сайлау комиссиясы үш саяси партия алатын депутаттық мандаттардың санын атады, - деп хабарлайды Tengrinews.kz тілшісі.

Орталық сайлау комиссиясы үш саяси партия алатын депутаттық мандаттардың санын атады, - деп хабарлайды Tengrinews.kz тілшісі.

Жалғасы

■

Төрт партия депутаттары Алматының қалалық мәслихатына өтті

12 қаңтар 2021, 15:04

Сонымен Мәжілісте Nur Otan партиясында 76 депутаттық мандат, "Ақ жолда" 12 депутаттық мандат, Қазақстан Халық партиясында 10 депутаттық мандат мандат бар.

Парламент сайлауының қорытындысы:

Nur Otan партиясы - 71,09 пайыз;
"Ақ жол" партиясы - 10,95 пайыз;
Қазақстан Халық партиясы - 9,10 пайыз;
"Ауыл" партиясы - 5,29 пайыз;
ADAL партиясы - 3,57 пайыз.

Қазақстандағы сайлау: ОСК дода қорытындысын жариялады

Айта кетейік, 2021 жылғы 10 қаңтарда республика бойынша учаскелерде дауыс беру сағат 20.00-де аяқталды. Республика аумағындағы сағат белдеулерінің шекараларына сәйкес бес өңірде (Ақтөбе, Атырау, Батыс Қазақстан, Қызылорда және Маңғыстау облыстары) дауыс беру астана уақыты бойынша сағат 21.00-де аяқталды.

Облыстық, республикалық маңызы бар қалалардың, астананың сайлау комиссиялары ұсынған деректерге сәйкес, 2021 жылғы 10 қаңтардағы астана уақыты бойынша сағат 22.00-дегі жағдай бойынша сайлау бюллетеньдерін тізімдерге енгізілген сайлаушылардың жалпы санының 63,3 пайызы алды.

Сондай-ақ 10 қаңтарда Мәжіліс пен мәслихат депутаттарының сайлауында exit poll нәтижелері жарияланған болатын.

Мәжіліс депутаттарының сайлауында exit poll нәтижелері былай бөлінді:

Қазақстан Халық партиясы (ҚХП) - 9,03 пайыз дауыс;
Nur Otan партиясы - 71,97 пайыз дауыс;
"Ауыл" партиясы - 5,75 пайыз дауыс;
"Ақ жол" партиясы - 10,18 пайыз дауыс;
ADAL саяси партиясы - 3,07 пайыз дауыс.