+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ҚР премьер-министрі Асқар Маминнің төрағалығымен өткен ҚР Үкіметінің селекторлық отырысында мемлекеттік-жекешелік әріптестікті (МЖӘ) дамыту мәселелері қаралды, - деп хабарлайды Тengrinews.kz тілшісі Үкімет баспасөз қызметіне сілтеме жасап.
ҚР премьер-министрі Асқар Маминнің төрағалығымен өткен ҚР Үкіметінің селекторлық отырысында мемлекеттік-жекешелік әріптестікті (МЖӘ) дамыту мәселелері қаралды, - деп хабарлайды Тengrinews.kz тілшісі Үкімет баспасөз қызметіне сілтеме жасап.
Атқарылып жатқан жұмыстар туралы ҚР ұлттық экономика министрі Руслан Дәленов, ҚР индустрия және инфрақұрылымдық даму министрі Бейбіт Атамқұлов, ҚР денсаулық сақтау министрі Елжан Біртанов, ҚР білім және ғылым министрі Асхат Аймағамбетов, Қарағанды облысының әкімі Жеңіс Қасымбек, Ақмола облысының әкімі Ермек Маржықпаев, премьер-министрдің бірінші орынбасары - қаржы министрі Әлихан Смайылов баяндады.
Биылғы 1 қазандағы жағдай бойынша 1,6 триллион теңге сомасына 615 МЖӘ келісімшарты жасалды, оның ішінде 551,5 миллиард теңге инвестиция тартылды, оның ішінде республикалық жобалар бойынша - 339,5 миллиард теңге, жергілікті жобалар бойынша - 212 миллиард теңге. Жобаларды жоспарлау мен дайындаудың түрлі кезеңдерінде 1,9 триллион теңге сомасына 638 жоба бар.
472 миллиард теңгеге жуық сомаға 547 МЖӘ нысаны пайдаланылу сатысында, оның ішінде 541 - 288,4 миллиард теңге сомасына жергілікті маңыздағы, 6 - 183,6 миллиард теңге сомасына республикалық маңыздағы.
1091 миллиард теңге сомасына 68 нысан іске асырылу сатысында (инвестициялық кезең), оның ішінде 65-і - 365 миллиард теңге сомасына жергілікті маңыздағы және 3-і - 725,9 миллиард теңге сомасына республикалық маңыздағы: Үлкен Алматы айналма автомобиль жолы (ҮАААЖ), ауылдық елді мекендерді интернетке кеңжолақты қолжетімділікпен қамтамасыз ету, әуе жолаушылары туралы мәліметтерді жинау жүйесі.
Денсаулық сақтау саласында 3 жылда жергілікті атқарушы органдар жалпы сомасы 58,9 миллиард теңгеге 127 МЖӘ келісімшартын жасады. Тек 2019 жылы 23,5 миллиард теңге сомасына 21 келісімшарт жасалды. 2019 жылдан 2024 жыл аралығында МЖӘ аясында республикалық деңгейде 838,5 миллиард теңге сомасына 16 ірі аурухана салу жоспарланған, оның ішінде қазірге дейін 7 жобаны іске асыру басталды.
Білім беру саласында 243 миллиард теңге сомасына 558 МЖӘ жобасы іске асырылып жатыр. Биыл қаңтар айынан бастап 98 жекеменшік мектеп жан басына шаққандағы қаржыландыру қағидаты бойынша 6 миллиард теңге сомасына мемлекеттік тапсырыс алады. 2019-2020 оқу жылының басына 47 жаңа жекеменшік мектеп ашылды. Жыл соңына дейін тағы 13 жаңа жекеменшік мектеп ашылады. 70 жобада студенттерге арналған жатақханалар ашу қарастырылған.
Үкімет басшысы оң динамиканы атап өтіп, МЖӘ дамыту бойынша жұмыстарды жандандыруды тапсырды.
"МЖӘ дамыту - Үкімет жұмысының басым бағыттарының бірі. Аса маңызды жобалар көлік және инфрақұрылым, энергетика және ТКШ, білім беру, денсаулық сақтау сияқты секторларда іске асырылып жатыр", - деді Мамин.
Премьер-министр ірі инфрақұрылымдық жобаларды іске асыруды жалғастыруды тапсырды, оның ішінде көлік және энергетикалық, ТКШ саласында, бұл мақсатта МЖӘ дамытудың озық халықаралық тәжірибесін ескерумен заңнамаға қажетті өзгерістерді пысықтау керек.
Үкімет басшысы мүдделі мемлекеттік органдарға Ұлттық экономика министрлігімен бірлесіп, жетекшілік ететін салаларда МЖӘ дамыту бойынша Жол карталарын әзірлеуді тапсырды. Олардың орындалу барысы Үкіметтің Жобалық кеңсесінің отырыстарында тыңдалатын болады.
"Жалпы, бізге еліміздің тұрақты әлеуметтік-экономикалық дамуын қамтамасыз ету мақсатында мемлекет пен жекеменшік әріптестіктің тиімді өзара іс-қимылын жолға қою қажет", - деп түйіндеді Үкімет басшысы.
