+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін Түркістан қаласында ҚР премьер-министрі Асқар Мамин ӨР премьер-министрі Абдулла Ариповпен келіссөз жүргізіп, Қазақстан мен Өзбекстанның аймақаралық ынтымақтастығының III форумына қатысты, - деп хабарлайды Tengrinews.kz тілшісі Қазақстан Үкіметі басшысының сайтына сілтеме.
Бүгін Түркістан қаласында ҚР премьер-министрі Асқар Мамин ӨР премьер-министрі Абдулла Ариповпен келіссөз жүргізіп, Қазақстан мен Өзбекстанның аймақаралық ынтымақтастығының III форумына қатысты, - деп хабарлайды Tengrinews.kz тілшісі Қазақстан Үкіметі басшысының сайтына сілтеме.
Сауда-экономикалық, инвестициялық, ауыл шаруашылығы, транзиттік-көлік, су-энергетика салаларындағы, өнеркәсіптік кооперациядағы, туризмдегі және басқа да салалардағы екіжақты ынтымақтастықты дамытудың өзекті мәселелері талқыланды.
Фото:primeminister.kz
Қазақстан мен Өзбекстанға Орталық Азиядағы барлық өңірлік сауданың 70 пайызға жуығы тиесілі. 2021 жылдың 9 айында екіжақты тауар айналымы $2,9 млрд асты, бұл 2020 жылдың сәйкес кезеңінің көрсеткішінен 28,5 пайызға жоғары. Осы жылдың қорытындысы бойынша Өзбекстан Қазақстанның ең ірі сауда серіктестерінің бестігіне кіруі мүмкін. Өзара сауда көлемін 2022 жылы 5 миллиард долларға дейін және 5 жыл ішінде 10 миллиард долларға дейін жеткізу міндеті қойылды. Екі елдің шекарасында "Орталық Азия" халықаралық сауда-экономикалық ынтымақтастық орталығын құру жобасын іске асыру бойынша жұмыс жүргізіліп жатыр.
Фото:primeminister.kz
Премьер-министр Асқар Мамин өнеркәсіптік кооперация саласындағы қазақ-өзбек ынтымақтастығының жоғары қарқынын атап өтті.
"Машина жасау, құрылыс индустриясы және фармацевтика өнеркәсібі салаларындағы жаңа бірлескен жобалар үшін басқа да әлеуетті өсу нүктелері бар", - деді А.Мамин.
ҚР Үкіметінің басшысы Қазақстанның Өзбекстанмен транзиттік-көлік саласындағы өзара іс-қимылының жоғары деңгейін атап өтті - теміржол инфрақұрылымын дамыту, автомобиль өткізу пункттерін жаңғырту бойынша бірлескен ірі жобаларды іске асыру жұмыстары жүргізілуде, жүк тасымалдау үшін қолайлы тарифтік саясат қалыптастырылды. Осы жылдың 10 айында ҚР мен ӨР арасындағы теміржол тасымалының көлемі 20,5 миллион тоннаны құрады.
Фото:primeminister.kz
Қазақстан премьер-министрі екі елдің қоршаған ортаны қорғау, су және орман шаруашылығы саласындағы ынтымақтастығының маңыздылығын атап өтті. Бірлескен күш-жігермен вегетациялық кезеңде Тоқтағұл және Қайрақұм суқоймаларынан қосымша су ағызу қамтамасыз етілді, бұл ҚР және ӨР ауыл шаруашылығы тауарын өндірушілердің қажеттіліктерін қамтамасыз етті. Арал теңізінің өзекті экологиялық проблемаларын шешу, бүкіл Арал өңірінің әлеуметтік-экономикалық дамуын қолдау бойынша бірлескен жобалар іске асырылуда.
"Арал теңізінің құрғаған түбіне сексеуіл көшеттерін отырғызу бойынша күш-жігерімізді біріктіруді ұсынамыз", - деді А.Мамин.
А.Мамин мен А.Арипов екіжақты ынтымақтастық жөніндегі бірлескен үкіметаралық комиссияның отырысын өткізді және «Трансшекаралық ынтымақтастық өсудің жаңа нүктесі ретінде» тақырыбында ҚР мен ӨР өңіраралық ынтымақтастығының III Форумына қатысты, оған 200-ден астам адам – мемлекеттік органдардың, өңірлердің басшылары, сондай-ақ екі елдің іскер топтарының өкілдері қатысты. ҚР сауда және интеграция министрі Бақыт Сұлтанов, ӨР инвестициялар және сыртқы сауда министрінің орынбасары Бадриддин Абидов, Түркістан облысының әкімі Өмірзақ Шөкеев, Маңғыстау облысының әкімі Нұрлан Ноғаев, Ақтөбе облысының әкімі Оңдасын Оразалин, Қарақалпақстан министрлер кеңесінің төрағасы Кахраман Сариев, Жизақ облысының хокимі Эргаш Салиев, Ташкент облысының хокимі Зоир Мирзаев және т.б. баяндама жасады.
Форум аясында машина жасау, АӨК, құрылыс материалдарын, электр техникалық өнімдерін, медициналық мақсаттағы бұйымдарды өндіру, инфрақұрылымды дамыту және басқа салаларда жалпы сомасы 611,3 миллион доллар құрайтын 54 инвестициялық және коммерциялық келісімшартқа қол қойылды. Түркістан қаласына сапары барысында екі елдің Үкімет басшылары Назарбаев зияткерлік мектебінің ашылу рәсіміне қатысты, Қ.А.Ясауи кесенесіне, "Ұлы Дала елі" орталығына, "Керуен-Сарай" туристік кешеніне және басқа да нысандарға барды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
