Маңғыстау облысының әкімдігі өз қызметкерлеріне Нұр-Сұлтанда автокөлікті жалға алуды түсіндірді, - деп хабарлайды Tengrinews.kz тілшісі.
Бұған дейін әлеуметтік желілерде Нұр-Сұлтан қаласында Маңғыстау облысы әкімдігінің қызметкерлеріне Парламент, Президент, министрліктер, Президент Әкімшілігі немесе Президент Әкімшілігі пайдаланатын мемлекеттік нөмірлері бар көліктерді жалға беретіні туралы ақпарат тараған болатын.
Посмотреть эту публикацию в Instagram
Әкімдіктің баспасөз қызметі мемлекеттік органдардың басшылары - басқарма басшылары, барлық деңгейдегі әкімдер үшін автокөлікті жалға алу - жыл сайын өткізілетін шара екенін еске салды.
"Талдау көрсеткендей, автокөлікті жалға алу, автокөліктерді сатып алуға қарағанда тиімдірек. Маңғыстау облысы әкімдігінің аппараты жөндеу жұмыстарына, жанар-жағармайға, амортизациялық аударымдарға, еңбекақыға, қосалқы бөлшектерге және автотұрақты жаңартуға арналған шығындарды есептемегенде, жалға беру шартын жасасу арқылы жыл сайын 287 938 110 теңге бюджет қаражатын үнемдеп отыр.
Нұр-Сұлтанда автокөлікті жалға алу жыл сайын өткізілетін шара, Маңғыстау облысы әкімдігінің қызметкерлері Нұр-Сұлтанға іссапарға шыққан жағдайда көлікті жалға алады", - деп түсіндірді әкімдікте.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
