Маңғыстауда итбалықты таяқпен ұрғандарға қатысты тергеу тоқтатылды

Маңғыстауда итбалықты таяқпен ұрған тұрғындарға қатысты тергеу тоқтатылды, - деп хабарлайды Tengrinews.kz тілшісі "Лада" порталына сілтеме жасап.

Облыстық полиция департаментінің мәліметінше, іс қылмыс құрамының болмауына байланысты тоқтатылған.

ҚР Қылмыстық іс жүргізу кодексінің 35-бабының 1-бөлігіне сәйкес қылмыс құрамының болмауына байланысты итбалықты таяқпен ұру фактісі бойынша сотқа дейінгі тергеп-тексеру тоқтатылған.

"Ұсталғандар берген мәліметке сәйкес олар қауіпсіздік мақсатында итбалықтарды қуып жібермекші болған. Олар интернетте жарияланған видеоның дұрыс түсірілмегенін айтты. Тұрғындардың ешқайсысы итбалықты ұрмапты. Ол аман қалып, теңізге жүзіп кеткен", - делінген хабарламада.

Маңғыстау облысында итбалықты таспен атқандар анықталды

Қазақстан жаңалықтары. Соңғы жаңалықтар. Telegram желісінде бізге жазыл!