+7 (777) 001 44 99
Қазақша
Русский
English
Қазақша
Русский
English
ҚР премьер-министрі Кәрім Мәсімов Instagram желісінде Ақмола облысында Бурабайға қарай велосипедпен жүргені бейнеленген суретін жариялаған еді. Ал бүгін осы автомагистральмен жол-қозғалысы ережесі бойынша велосипедпен жүруге болмайтыны туралы айтып, айыппұл төлегенін мәлімдеді, - деп хабарлайды Tengrinews.kz тілшісі. Ол жол ережесін бұзғаны үшін 10 605 теңге сомасында айыппұл төлеген.
ҚР үкіметінің басшысы жариялаған суретте велосипедпен тұрғаны және айыппұлы көрсетілген. Ал сипаттамасына премьер-министр "Заңдар мен ережелер баршаға ортақ. Велосипедтегі Премьер үшін де", - деп жазды ол.
"Айыппұлға велосипедпен жүру тыйым салынған Астана-Бурабай автомагистралінде жасалған фотосурет себеп болды. Фотосурет премьер-министрдің Instagram əлеуметтік желісінде жарияланып, қазнет пайдаланушыларының арасында кең талдауға ие болды. Қазақстандықтардың К. Мəсімовтің салауатты өмір салты мен Премьер-Министрдің мемлекеттік қызметкердің заманауи имиджіне сəйкес болуға ынтасы жайлы жақсы пікірлерімен қатар заң бұзушылыққа жол берілгені туралы пікірлер де болды. "Мəсімовке қатысты өтініш тіркелді. Енді жоғары лауазымды шенеунікті ЖЖЕ бұзғаны үшін əкімшілік жауапкершілікке тарта ма көреміз", - деп жазды "Азаматтық патруль" қозғалысының белсенділері. Премьер-Министр əлеуметтік желілердегі талқылауды ескеріп, айыппұл төледі жəне осылайша Қазақстанда заң алдында бəрі тең екенін дәлелдеді", - делінген премьер-министрдің сайтында.
Айта кетейік, үкімет басшысы бүгін тағы бір видео жариялаған еді. Видео сипаттамасында "Сәтті күннің бастауы" делінген.
