+7 (777) 001 44 99
Қазақша
Русский
English
Медеу мұз айдыны және Шымбұлаққа баратын жолға блокбекеттер орнатылды, - деп хабарлайды Tengrinews.kz тілшісі Алматы қалалық Төтенше жағдайлар департаментіне сілтеме жасап.
Ведомство мәліметінше, биікке және қар жамылғысының тұрақсыз жағдайына байланысты тауларда қар көшкіні жүру қаупі жоғары деңгейде. Мәселен, 25-28 наурызда Кіші және Үлкен Алматы өзендері бассейнінде қар көшкіні жүру қаупі бар. Сондықтан, "Казселезащита" мамандары "Медеу" маңы мен Шымбұлақ-Тұйық су тасжолы бойына бөгет қойған.
"24 наурызда таңғы сағат 8.40-тан сағат 10.40-қа дейін Кіші Алматы өзені бассейнінде қар көшкіні алдын алу жұмыстары жүргізілді. Бұл Шымбұлақ тау-шаңғы курорты аумағының қауіпсіздігін қамтамасыз ету мақсатында жасалды. Жұмыс "Аваланчер" пневматикалық қондырғысы арқылы жүргізілді. Жұмыс нәтижесінде 600 текше метр қар түсірілді", - деді департаменттің баспасөз қызметі өкілдері.
"Алматы қаласының Төтенше жағдайлар департаменті туристер мен демалушыларды тауға шықпауға шақырады! Сақ болыңыздар!" - деп қосты бөлім өкілдері.
Посмотреть эту публикацию в Instagram
Бұған дейін алматылық құтқарушылар таулы аймақтарда қар көшкіні жүру қаупі жоғары екенін ескерткен болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
