"Табиғат" экологиялық одағының басшысы Мэлс Елеусізов президент сайлауы додасынан өз кандидатурасын алып тастауды ұйғарды, оған - қаражаттың тапшылығы себеп, - деп хабарлайды Tengrinews.kz тілшісі.
"Мен өз кандидатурамды алып тастауға шешім қабылдадым", - деп мәлімдеді Елеусізов ҚР Орталық сайлау комиссиясының баспасөз орталығында журналистерге. Ол тиісті өтінішін тапсырып қойды.
Елеусізов бұған бірнеше себеп болғанын айтты. "Бірінші кезекте - қаражаттың жоқтығы, мен бұл туралы айтқан болатынмын. Оған қомақты қаражат қажет", - деді ол.
13 наурыз күні Tengrinews.kz экологтың Орталық сайлау комиссиясына құжат тапсырғанын хабарлаған еді. "Мен сайлауға экологияға қатысты ахуалдың нашарлығын көрсету үшін барамын", - деген болатын Елеусізов.