Мэлс Елеусізов Қазақстан президенті сайлауына қатысу себебін түсіндірді

Мэлс Елеусізов. ©Тengrinews.kz

"Табиғат" экологиялық одағының басшысы Мэлс Елеусізов Қазақстан президенті сайлауына қатысуға не себепті шешім қабылдағанын түсіндіріп берді, - деп хабарлайды Tengrinews.kz тілшісі.

"Табиғат" экологиялық одағының басшысы Мэлс Елеусізов Қазақстан президенті сайлауына қатысуға не себепті шешім қабылдағанын түсіндіріп берді, - деп хабарлайды Tengrinews.kz тілшісі.

Эколог алдағы сайлауда Қазақстанның қазіргі басшысы Нұрсұлтан Назарбаевтың жеңіске жететініне күмән келтірмейтінін айтты. Елеусізовтің пікірінше, ол әлдеқашаннан халықтың сеніміне ие. Сондықтан "Табиғат" одағының басшысы сайлауда жеңіске жетуді мақсат етпейтінін, ал сайлауалды мінберді өз идеяларын насихаттауға пайдаланатынын айтты.

"Менің басты мақсатым - экологияға байланысты шынайы ахуалды жеткізу. Оны саясаткерлер түсінбейді. Ол экономикалық дағдарыстан да маңызды. Мен дағдарысқа қарсы бағдарламамен келісе бермеймін. Сондықтан ертең Орталық сайлау комиссиясына өтініш беру үшін Астанаға барамын", - деді эколог. Экология мәселелері туралы айтқан Елеусізов ғаламдық жылыну құбылысын, Арал теңізі мен Балқашты құтқару жайын және ағын сулар жиналатын Сорбұлақ бөгетінің жарылып кетіп, елді мекендерді басуы мүмкін екенін еске салды.

"Сайлауға қатысуды ұйғардым, газеттер мені онда тек өзін-өзі жұбату үшін барады деп жатса да. Менің барлық үгіт-насихатым адамдарға керек болды. Мен экологиялық қызметті бастаған кезде, онымен Кеңес Одағында ешкім айналыспаған еді. Сайлауалды науқанды мен үгіт үшін қолдандым. Сайлауға ауқымды экология мәселелері туралы айту үшін барамын", - деді Елеусізов.

Еске салайық, Мэлс Елеусізов 2005 және 2011 жылғы сайлауларға қатысқан еді. Соңғы сайлауда ол Нұрсұлтан Назарбаевқа дауыс берді.

ҚР Президенті Экология Саяси партия Сайлау