+7 (777) 001 44 99
Қазақша
Русский
English
Қазақша
Русский
English
Президент Қасым-Жомарт Тоқаев әкімдерге үн қатты, - деп хабарлайды Tengrinews.kz тілшісі.
"Менің осы жерде отырған әкімдерге үндеуім. Айтылған барлық ескертпені ескерулеріңіз керек. Бұл жерде бизнес-орта өкілдерінің жартысы ғана отыр. Көбіне олар облыста, сондықтан нақты шешім талап етіп отырған осы тапсырмалар бойынша бірге жұмыс істейік.
Әкімдердің жұмысы белгілі бір салалардағы бизнестің тартымдылық параметрлері бойынша айтарлықтай дәрежеде бағаланатын болады. Осындай кездесулер әлі де жалғасын табады", - деді Президент кәсіпкерлермен кездесуде.
Еске салайық, бүгін Ақордада Президент отандық бизнес өкілдерімен кездесу өткізіп жатыр. Шараға Президент әкімшілігі мен Үкіметтің басшылығы, құқық қорғау органдары мен бақылау-қадағалау функциясы бар мемлекеттік органдардың жетекшілері де шақырылған. Күн тәртібінде бизнестің құқығын қорғау, кәсіпкерлердің жаңа экономикалық саясатты іске асыруға атсалысу, шағын және орта бизнеске жүйелі қолдау көрсету мәселелері қарастырылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
