+7 (777) 001 44 99
Қазақша
Русский
English
Қасым-Жомарт Тоқаев елорданы дамыту мәселелеріне арналған кеңес барысында қоғамдық көліктердің тапшылығына наразы болды, - деп хабарлайды Tengrinews.kz тілшісі.
"Келесі мәселе - қоғамдық көлік жүйесін дамыту. Мен қала ішінде адам көп жүретін бағыттарды анықтап, автобустың жиі қатынауын қамтамасыз ету жөнінде нақты тапсырма бердім.
Бірақ тұрғындар әлі күнге дейін аялдамада жарты сағат бойы тұруға мәжбүр. Тіпті, кейде жолаушылар автобусқа сыймай жатады", - деді Тоқаев.
Президенттің айтуынша, қазір Астанаға 400-ден астам автобус жетіспейді. Алдағы 5 жылда бұл тапшылық екі есе артуы мүмкін.
"400 аялдамада автобус тоқтайтын арнайы орын қарастырылмаған. Ал 300 аялдамада жабық павильон жоқ. Бұл мәселе, әсіресе қыс кезінде өте өзекті", - деді Мемлекет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
