+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстанның Мемлекеттік хатшысы Гүлшара Әбдіқалықова БҰҰ Тұрғын халық саласындағы (ЮНФПА) қорының Орталық Азия жөніндегі кеңсесі директоры Николай Ботевпен кездесті, - деп хабарлайды Тengrinews.kz тілшісі Ақордаға сілтеме жасап.
Қазақстанның Мемлекеттік хатшысы Гүлшара Әбдіқалықова БҰҰ Тұрғын халық саласындағы (ЮНФПА) қорының Орталық Азия жөніндегі кеңсесі директоры Николай Ботевпен кездесті, - деп хабарлайды Тengrinews.kz тілшісі Ақордаға сілтеме жасап.
Кездесуге қордың Қазақстан Республикасындағы атқарушы өкілі Райымбек Сисемәлиев, сонымен қатар Әйелдер ісі және отбасылық-демографиялық саясат жөніндегі Ұлттық комиссия төрайымының орынбасары, Орталық сайлау комиссиясының мүшесі Ләззат Сүлеймен қатысты.
Әбдіқалықова БҰҰ Тұрғын халық саласындағы қорының Қазақстан халқының тұрақты дамуы мен әл-ауқаты артуындағы елеулі үлесін атап өтті. "Мемлекеттік хатшы Қазақстанның мемлекеттік органдарының – Денсаулық сақтау және әлеуметтік даму, Білім және ғылым министрліктерінің, сондай-ақ Мемлекет басшысы жанындағы Әйелдер ісі және отбасылық-демографиялық саясат жөніндегі Ұлттық комиссиясының БҰҰ қорымен арадағы ынтымақтастығының деңгейіне қанағаттанатынын білдірді", - делінген Ақорданың сайтында.
Гүлшара Әбдіқалықова 2014 жылы қордың мемлекеттік органдармен арадағы өзара іс-қимылдарының – отбасын жоспарлаудың маңызды бағдарламасының ойдағыдай жүзеге асқанын, әйелдер мен жастардың, көшіп келушілер мен оралмандардың денсаулығын репродуктив түрде қорғаудың қамтамасыз етілгендігін, денсаулық сақтау жүйесіндегі гендерлік зорлық-зомбылыққа шұғыл тосқауыл қоюдың, мемлекеттік қызметкерлерді тұрғын халық саласындағы және дамуындағы мәселелермен таныстырудың табысты болғанын атап көрсетті.
Кездесу қорытындысы бойынша Мемлекет басшысының "Нұрлы Жол – болашаққа бастар жол" атты Жолдауының аясында халықтың әлеуметтік әл-ауқатын арттырудың өзекті мәселелерін шешу жөніндегі ынтымақтастықты жалғастыру туралы уағдаластыққа қол жеткізілді.
