+7 (777) 001 44 99
Қазақша
Русский
English
Қазақстан Президенті Нұрсұлтан Назарбаев республикалық телеарналарда берген сұхбатында дәулетті қазақстандықтарға үндеу жариялады, - деп хабарлайды Tengrinews.kz тілшісі. Ол барлығын мемлекеттік кәсіпорындарды жекешелендіруге қатысуға шақырды және олардың дәулетке қалай қол жеткізгендерін білетінін мәлімдеді.
"Мемлекет баюға мүмкіндік берген адамдарды мен бес саусағымдай білемін және олардың қалай байығандарын білемін. Қазақстандағы қалталылардың әрқайсысын. Біріншіден, олардың өздері осыған қабілетті болды, қуатты болды, мемлекет олар үшін жағдай жасады, сондықтан дандайсудың қажеті жоқ. Кедейліктен бірінші болып арылғандар қарапайым үйдің орнына төрт қабатты үй тұрғызды, қазір оны не істейтінін білмейді, оны ұстап тұру үшін қаншама ақша керек, қаншама үй тазалайтын және күзететін адам қажет", - деді Назарбаев. Ол Қазақстандағы жекешелдірудің мүлікті заңдастыруға арналғанын еске салды.
"Ақшаңды Қазақстанға әкел, жекешелендіруге қатыс, ірі кәсіпорынның, ауыл шаруашылығына пайдаланатын жерлердің өнеркәсіптік кәсіпорын электрстанцияларының иесі атан және адамдар өмір сүріп жатқан әлемде өмір сүр", - деп үндеді Назарбаев қалталы қазақстандықтарға. Алайда Мемлекет басшысының айтуынша, олар жекешелендіруден әлі де қорқады: "Мен алып келіп, кенет менімен бірдеңе болса қайтем". "Кенет деген болмайды", - деп сендірді Назарбаев.
