18 мамыр 2023 | 11:53

Мен үшін саяси мәселе жоқ - әкім Досаев Никольский базары туралы

Фото ©️ Tengrinews.kz / Әлихан Сариев

Алматы билігінің Никольский базарының болашағына қатысты жоспары бар, - деп хабарлайды Tengrinews.kz тілшісі.

Бұл туралы Алмалы ауданының тұрғындарымен кездесуінде қала әкімі Ерболат Досаев мәлімдеді.

Шарада қоғамдық кеңес мүшесі Әсет Наурызбаев өз ұсынысын білдірді.

"Біздің ауданымызда Алматының көрнекті жеріне айналуы тиіс екі қалалық маңызы бар нысан бар. Өкінішке қарай, екі орында қаңырап бос қалды. Соның бірі - Никольский базары. Бұл жерде мен түсінем, саяси және қала әкімдігінің деңгейіндегі мәселе екені белгілі.

Осы орайда менің ұсынысым бар. Бұл нысанды иесіз деп тану қажет, себебі ол біраз жылдан бері қаңырап бос жатыр. Немесе кәдімгі нарық сапасын арттыру үшін иесімен келіссөздер жүргізіп, дамыту керек. Өйткені әлемде осыған ұқсас бірнеше мысалдар бар: Роттердам мен Мәскеуде көптеген тамаша базар бар, бұл базар қала тұрғындары үшін орташа бағада өнім сатып, қоғамдық тамақтандыру кәсіпорындарының арқасында пайда тауып отыр", - деді әлеуметтік қызметкер.

Бұған жауап ретінде Досаев бұл мәселемен қала әкімдігі айналысып жатқанын айтты.

"Мен қалада көрнекті нысандардың жоқ екенімен келісемін, біз қазір тек Кеңес Одағынан қалған құрылыс нысандарымен тарихи өткенімізді мақтан тұтамыз. Біз оларды жаңғыртуға, қайта жандандыруға тиіспіз.

Мен үшін Никольский базарына қатысты ешқандай саяси мәселе жоқ. Оны басқаратын адамдар бар. Қазіргі уақытта сотпен немесе қылмыстық істер жүріп жатыр. Нәтижесінде бұл базарды не істеу керектігі туралы шешім қабылданады. "Барыс" базарына да сот шешімдері шыққасын, қалаға берілді. Никольский базарында да сондай жағдай болмақ", - деді ол.

Досаевтың айтуынша, қала билігі базар қожайындарына сұрақ қойған: олар базарға инвестиция құяды немесе басқа әрекет жасайды, болмаса қалалық әкімдік тиісті шешім қабылдайды.

"Өкінішке қарай, мен нарық саласындағыларды иесіз деп танып, оны бір жыл ішінде қала меншігіне өткізе алмаймын. Өйткені, жекеменшік құқығын ешкім жойған жоқ. Никольский базарына біз көмектесеміз. Бізде оны қалай дұрыс ұйымдастыру керектігі туралы бірнеше идеялар бар. Соңғы 15-20 жылда базар қаланың көркіне елеулі зиянын тигізгендіктен оны қалпына келтірудің қажеті жоқ деп санаймын. Оның орнына заманауи паст-фуд орындарын дамыту керек. Мен базар иелеріне ұсыныс жасап қойдым", - деп сендірді Алматы әкімі.

Еске салайық, 2020 жылдың ақпан айында Алматыда Никольский базары бұзылған болатын. Ең көне базарды бұзу 2019 жылдың желтоқсанында басталған болатын. Ол кезде базарда 170 кәсіпкер жұмыс істеп жатқан еді, оларға базардың жабылатыны туралы ескертулер берілген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Алматы базар әкім