+7 (777) 001 44 99
Қазақша
Русский
English
Семейде темекі өнімдерін ірі көлемде заңсыз айналымға шығарған трансұлттық топтың 3 мүшесіне қатысты айыптау үкімі шығарылды, - деп хабарлайды Tengrinews.kz тілшісі ҚМА мәліметіне сілтеме жасап.
Тергеуді ҚМА Абай облысы бойынша департаменті жүргізген. Тергеу барысында 8 адам, оның ішінде 3 шетел азаматын қамтыған қылмыстық топтың Қырғызстаннан жалған құжаттар арқылы 9,3 миллион қорап темекіні заңсыз кіргізгені анықталды.
"Темекі өнімдері Алматы, Жамбыл, Павлодар және Түркістан облыстарының аумағында сатылған. Сонымен қатар, қылмыскерлер тауардың бір бөлігін Ресейге шығармақ болған. Барлық заңсыз өнім айналымнан алынып, төленбеген акциз сомасы 2,6 миллиард теңге болған", - делінген хабарламада.
Мүлікті тәркілеу мақсатында 9 автокөлік пен жеке тұрғын үйге тыйым салынды.
"Сонымен қатар, тергеу барысында сот қылмыстық жолмен алынған мүлікті алдын ала тәркілеу туралы өтініштерді қанағаттандырды: 157 мың АҚШ доллары көлеміндегі қолма-қол ақша және құны 840 мың теңге тұратын "777" VIP автонөмір тәркіленді", - делінген хабарламада.
Сот үкімі бойынша, Д.Бекешев, Д.Сатыбалдиев, Д.Сұлтанов ҚР ҚК-ның 264-бабы 2-бөлігі ("Трансұлттық ұйымдасқан топқа қатысу"), 214-бабы 2-бөлігі 1) және 3) тармақтары ("Заңсыз кәсіпкерлік") бойынша кінәлі деп танылып, 8 жылға бас бостандығынан айыру жазасына кесілді және 166 миллион теңге тұратын барлық тәркіленген мүлік мемлекет меншігіне алынды.
"Қалған 5 қатысушыға халықаралық іздеу жарияланған. Олардың бірі Ресей Федерациясы аумағында ұсталып, оны экстрадициялау туралы өтініш тиісті органдарға жолданды".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
