"Миллиондаған қарыз". Алматыда Nur Otan бөлімшесі, полиция және хайуанаттар бағы су ақысын төлемеген

"Алматы су" кәсіпорны су ақысын төлемеген ірі борышкерлер тізімін ұсынды. Коммуналдық қызметтерге төлем жасамағандар қатарында ҰҚК Шекара қызметі мен полицияның өңірлік департаменттері, Nur Otan партиясының бөлімшесі мен хайуанаттар бағы бар, - деп хабарлайды Tengrinews.kz тілшісі.

"Алматы су" кәсіпорны су ақысын төлемеген ірі борышкерлер тізімін ұсынды. Коммуналдық қызметтерге төлем жасамағандар қатарында ҰҚК Шекара қызметі мен полицияның өңірлік департаменттері, Nur Otan партиясының бөлімшесі мен хайуанаттар бағы бар, - деп хабарлайды Tengrinews.kz тілшісі.

Жалғасы

■

Алматыда Nur Otan бөлімшесі неге су ақысын төлемегені белгілі болды

02 наурыз 2021, 13:57

Борышкерлер тізімінде барлығы 205 ұйым бар, олардың әрқайсы "Алматы суға" кем дегенде 100 мың теңге қарыз. Мәселен, 2020 жылдың қорытындысы бойынша, жеті кәсіпорын су үшін 10-нан 34 миллион теңгеге дейін қарыз. Ал 31 ұйым былтыр бірден тоғыз миллион теңгеге дейін төлемеген.

Басқа кәсіпорындардың арасында су қарызы мынадай:

Алматы хайуанаттар бағы - 4,7 миллион теңге;
ҰҚК Шекара қызметінің Алматы облысы бойынша департаменті - 3,6 миллион теңге;
Психикалық денсаулық орталығы - 1,7 миллион теңге;
Жұматов атындағы Гигиена және эпидемиология ғылыми орталығы - 1,6 миллион теңге;
Алматы полиция департаменті - 692 мың теңге;
Асфендияров атындағы Қазақ ұлттық медицина университеті - 295 мың теңге;
Алматы қаласының қоғамдық даму басқармасы - 211 мың теңге;
Алматы облысының полиция департаменті - 143 мың теңге;
Nur Otan партиясының Алматы қалалық филиалы - 121 мың теңге.

Борышкерлер тізілімінде №4 автобус паркі, "Сайран" автовокзалы, Алматы темір жол ауруханасы және геофизикалық зерттеулер институты да бар.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Алматы Су Қарыз