Министр EXPO-2017 аумағындағы төтенше жағдайды біреу қасақана ұйымдастырған болуы мүмкін екенін айтты

18 Қараша 2016, 14:05
7
Министр EXPO-2017 аумағындағы төтенше жағдайды біреу қасақана ұйымдастырған болуы мүмкін екенін айтты - Ішкі істер министрі Қалмұханбет Қасымов. © Тұрар Қазанғапов
Ішкі істер министрі Қалмұханбет Қасымов. © Тұрар Қазанғапов

Ішкі істер министрі Қалмұханбет Қасымов EXPO-2017 аумағындағы төтенше жағдайды біреу қасақана ұйымдастырған болуы мүмкін екенін айтты, - деп хабарлайды Tengrinews.kz тілшісі.

"Қылмыстық іс қозғадық. Сараптама жүргізіп жатырмыз. Қирау себебін анықтаған соң, процесстік шешім қабылдаймыз. Қазір біз техникалық сараптама жүргізіп жатырмыз. Себебін анықтаймыз. Біреу-міреу қасақана кесіп тастаған шығар, сапасыз материал болып шығуы да мүмкін. Барлығын зерттейміз, содан кейін ғана шешім шығарамыз", - деді министрі Астанадағы парламент отырысының үзілісінде.

Айта кетейік, бүгін EXPO-2017 аумағында опырылған құрылыс бөлігіне қатысты қылмыстық іс қозғалды. 

Еске салайық, осыған дейін Астанадағы EXPO-2017 аумағында құрылыс бөлігінің опырылғаны хабарланған болатын. Төтенше жағдай 16 қарашада болған. Ал кейінірек BI Group компаниясы EXPO-2017 аумағында болған төтенше жағдайға қатысты мәлімдеме жасады. Сонымен қатар, BI Group өкілдері құрастырманың бір ай ішінде жөнделетінін мәлімдеген болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (7)
Оқылып жатыр
Талқыланып жатыр
Бүгін
Апта
Ай