+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Төтенше жағдайлар министрі Юрий Ильин "Абай" шахтасындағы қайғылы оқиғаға қатысты пікір білдірді, - деп хабарлайды Tengrinews.kz тілшісі.
Төтенше жағдайлар министрі Юрий Ильин "Абай" шахтасындағы қайғылы оқиғаға қатысты пікір білдірді, - деп хабарлайды Tengrinews.kz тілшісі.
Министр 7 қарашада Қарағанды облысында "АрселорМиттал Теміртау" көмір департаментіне қарасты "Абай" шахтасында метан бөлінуінен болған апат салдарынан алты адам қаза тапқан қайғылы оқиғаның жай-жапсарын айтып берді.
"Бүгінгі күні бұл көмір кенішінде жұмыс тоқтатылды. Қазір мемлекеттік комиссия жұмыс істеп жатыр. Тексеріс нәтижесінде шахтада 8 мың текше метрден астам метан шығарылғаны анықталды. Біз метанды анықтау датчиктері іске қосылған кезде концентрацияның 41 пайыздан астамы күрт өскені байқалды. Үйіндіде метан мен 100 тоннаға жуық тау-кен массасы болды", - деді Ильин Сенаттағы Үкімет сағатында.
Министрдің айтуынша, бүгінде үйінділерді тазалау жұмыстары жалғасып жатыр.
"Менің ойымша, тазалау жұмыстары жақында аяқталады. Бүгінгі Үкімет сағатынан кейін мен комиссия төрағасы ретінде апаттың алғашқы себептерін анықтау үшін сол жерге барамын", - деп қосты Ильин.
"Біз бірнеше рет "АрселорМиттал Теміртау" нысандарындағы өнеркәсіптік қауіпсіздіктің жағдайына назар аудардық. Инспекторлар тұрақты негізде тау-кен жұмыстарына қатысты қауіпсіздік талаптарының жүйелі түрде бұзылуын және басқа да бұзушылықтарды анықтады", - деді министр.
Еске салайық, 7 қараша сағат 08.30-да "Абай" шахтасында жарылыс болды. Бұл кезде жер астында 64 адам болған. 6 адам қаза тапты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
