+7 (777) 001 44 99
Қазақша
Русский
English
ПОДЕЛИТЬСЯ
Ғылым және жоғары білім министрі Саясат Нұрбек Алматыдағы жоғары оқу орындардың бірінде желіге тарап кеткен студент қыздардың тізіміне қатысты жанжал қалай аяқталғанын айтты, - деп хабарлайды Tengrinews.kz тілшісі.
Ғылым және жоғары білім министрі Саясат Нұрбек Алматыдағы жоғары оқу орындардың бірінде желіге тарап кеткен студент қыздардың тізіміне қатысты жанжал қалай аяқталғанын айтты, - деп хабарлайды Tengrinews.kz тілшісі.
Үкімет брифингінде министр бұл тізбектегі барлық адам жазаланғанын айтты.
"Нәтижесінде университет қызметкерлері жазаланды. Жұмыстан шығарылды. Әкімшілік жауапкершілікке тартылды. Әл-Фараби университеті деканатының қызметкерлері. Қазір университетке қызмет көрсететін медициналық орталықтың қызметкерлері де жазаланды. Бұл медициналық орталықпен келісімшартты бұзу мәселесі қаралады", - деді министр Үкіметте өткен брифинг барысында.
Министрдің айтуынша, бұл адами қателік.
"Деканат қызметкері қосымша ақпараттарды алып тастамай, флюорографиядан өтпеген студенттердің тізімін алып, жібере салған. Міне осылай артық ақпарат тарап кеткен", - деп түсіндірді ол.
Еске салайық, тізім туралы ақпарат Qumash Telegram-арнасында пайда болды. Арна авторлары WhatsApp желісіндегі 190 адамнан тұратын старосталар тобында студент қыздардың тізімі бар 4 құжат жіберілгенін (1-курстан 4-курсқа дейін) жазды. Қызыл түспен белгіленгендер флюорографиядан өтуі керек екен. Онда қыздардың толық аты-жөнінен басқа олардың ЖСН, ұялы телефондары және медициналық деректері болған. Сондай-ақ, олардың қайсы вирго (гинекологиялық тілмен айтқанда - пәк), қайсы вирго емес екені туралы ақпарат бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
