+7 (777) 001 44 99
ПОДЕЛИТЬСЯ
Энергетика министрі Мағзұм Мырзағалиев араб инвесторларымен Шүлбі және Өскемен су электр станцияларын жекешелендіру бойынша келіссөздер жүріп жатқаны туралы айтты, - деп хабарлайды tengrinews.kz тілшісі.
Энергетика министрі Мағзұм Мырзағалиев араб инвесторларымен Шүлбі және Өскемен су электр станцияларын жекешелендіру бойынша келіссөздер жүріп жатқаны туралы айтты, - деп хабарлайды tengrinews.kz тілшісі.
"Әлі келісімге келген жоқпыз. Қазір стратегиялық инвесторға сату бойынша келіссөздер жүргізіліп жатыр. Айтайын дегенім, бұл 100 пайыздық сатылым емес, 74,99 пайыздық сатылым, осылайша мемлекет 25-тен аса шетелдік инвестицияға қызығушылық танытып отыр. Стратегиялық инвестор елдің энергетика саласын дамытатынын түсіну керек.
Әңгіме жекешелендіру мен станцияларды сатып алу туралы емес. Бұл станциялар жөндеуді қажет етеді. Осы жоба арқылы станциялардың қуатын арттыру, қосымша 500 мегаватт қосу мүмкіндігі бар. Жоба көптен бері талқыланып келеді, Шүлбі станциясында жаңа каскад салу арқылы шамамен 500 мегаватт қосу мүмкіндігі бар", - деді министр Үкімет отырысында.
Оның айтуынша, араб әріптестерімен Қазақстанның энергетика саласына шамамен 6 миллиард доллар инвестициялау бойынша келіссөздер жүргізіліп жатыр.
"Бұл оңтүстікте жаңартылатын көздер және газ өндіру, сондықтан бұл біздің экономикаға келетін өте үлкен инвестиция. Әңгіме екі су электр станциясын жекешелендіру туралы ғана емес, сонымен қатар елдің экономикасына 6 миллиард доллардан аса қаражат тарту туралы.
Әрбір инвестордың өзінің жалпы қабылданған стандарттары бар. Біз 13 пайыздық кепіл туралы айтып отырмыз. Шынында да, мұның бәрі инвестордың 13 пайыздық табысқа ие болатынына кепілдік береді. Бірақ кез келген инвестордың қайырымдылықпен айналыспайтынымен келісуіңіз керек, әрқайсысының ең төмен мөлшерде пайда алу үшін өзінің негізгі принциптері бар. Бұл - әлемдік тәжірибе. Белсенді дамып келе жатқан жаңартылатын энергия нарығымызда тарифтер де валютаға байланысты болады. Бұл инвестордың өзі үшін ең төменгі кірісін – 13 пайызды белгілейтінін білдіреді", - деп түйіндеді сөзін Мағзұм Мырзағалиев.
Екі су электр станциясы да төрт жылдан бері Қазақстанның мемлекеттік меншігінде.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
