Сандық даму, инновация және аэроғарыш өнеркәсібі министрі Асқар Жұмағалиев Қазақстан онлайн-оқытудан неге бас тартқанын айтты, - деп хабарлайды Tengrinews.kz тілшісі.
"Үлкен конференциялар үшін қолданылатын Zoom сияқты компаниялар көптеген адам қосылған кезде проблемаларға тап болады", - деді министр Нұр-Сұлтандағы брифингте.
Оның айтуынша, АҚШ-та осы жүйемен оқыту бойынша тест өткізілген және оның нәтижесі қуантарлық емес.
"Мұндай тест Қазақстанда да 1 сәуірде өткізілді. Бұл жүйе оқушылар мен мұғалімдерден көптеген сұраныс түскенде қалыпты жұмыс істей алмады. Жүйе "сынды". Бұл батыстың жүйесі. Сондықтан біз Білім және ғылым министрлігімен бірлесіп қашықтан оқыту қалыпты жағдайда өтуі үшін жұмыс істеп жатырмыз, мәселелер пысықталады. Стриминг жүйе қызметтердің сапасын қамтамасыз ете алмайтындықтан, қолдаланылмайды", - деп түсіндірді Жұмағалиев.
Қазақстан жаңалықтары. Соңғы жаңалықтар. Telegram желісінде бізге жазыл!
