+7 (777) 001 44 99
ПОДЕЛИТЬСЯ
Білім және ғылым министрі Асхат Аймағамбетов қазақстандық оқушылардың үшінші тоқсандағы оқуы туралы шешімді түсіндірді, - деп хабарлайды Tengrinews.kz тілшісі.
Білім және ғылым министрі Асхат Аймағамбетов қазақстандық оқушылардың үшінші тоқсандағы оқуы туралы шешімді түсіндірді, - деп хабарлайды Tengrinews.kz тілшісі.
"Бұл өте маңызды шешім. Бұл мемлекеттік емтихан тапсыратын балаларға қатысты. Түлектерді айтып отырмыз. Олар үшін білім алу өте маңызды. Барлық бағдарламаның 70 пайызы дәстүрлі түрде, қалған 30 пайызы қашықтан оқытылады", - деп түсіндірді БҒМ басшысы.
Ол ҰБТ-ға қажетті пәндер мектепте оқылатынын түсіндірді. Қалғаны - қашықтан.
"Санитар нормалар бойынша талаптар сақталады. Бір кабинет, әр түрлі қоңыраулар, әлеуметтік қашықтық. Санитар талаптар бұрынғыдай қалады. Өзгерістер жоқ. Біз Білім министрлігі ретінде балалардың дәстүрлі форматта білім алғанын қолдаймыз. Бірақ санитарлық норма және басқа мемлекеттік органдардың құзыретіндегі мәселелер бар", - деді Аймағамбетов.
Бұған дейін Қазақстан аумағында коронавирус инфекциясының таралуына жол бермеу жөніндегі ведомствоаралық комиссияның (ВАК) отырысы барысында қазақстандық оқушылар үшінші тоқсанда пәндердің 70 пайызын мектепте, 30 пайызын қашықтан оқитыны белгілі болған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
