07 наурыз 2023 | 13:35

Министрлер 8 наурызда әйелдеріне не сыйлайтынын айтты

Дина Шарипханова Корреспондент

Фото:elements.envato.com

Мереке қарсаңында Қазақстанның жоғары лауазымды шенеуніктері әйелдеріне қандай сыйлық береді. Министрлерге сұрақ қойылды, - деп хабарлайды Tengrinews.kz тілшісі.

Мереке қарсаңында Қазақстанның жоғары лауазымды шенеуніктері әйелдеріне қандай сыйлық береді. Министрлерге сұрақ қойылды, - деп хабарлайды Tengrinews.kz тілшісі.

Ұлттық экономика министрі Әлібек Қуантыров әйеліне гүл сыйлайтынын айтты.

"Дәстүр бойынша, гүлдер, қазір олар қанша тұратынын білесіздер, ақылға қонымды шекте", - деп жауап берді Қуантыров үкімет кулуарында журналистердің сұрағына жауап беріп.

Сонымен қатар, журналистер министрден бір бума гүл қанша тұратынын сұрады.

"Қандай гүл екеніне байланысты, қызғалдақ арзан, раушан қымбаттау. Қазір раушан гүлдері шамамен 2,5 мың теңге тұрады", - деп жауап берді министр.

Сондай-ақ, министр барша қазақстандық әйелдерді мерекемен құттықтап, әйел бойындағы ең басты қасиеттер қандай болуы керек екенін айтты.

"Мейірімділік, адалдық, әдептілік, осы қасиеттерді бағалаймын. Құрметті әйелдер, сіздерді келе жатқан Халықаралық әйелдер күнімен құттықтаймын. Сіздерге сәттілік тілеймін, бақытты болыңыздар. Экономикамызға, қоғамымызға оңды үлес қосыңыздар", - деп құттықтады министр.

Премьер-министрдің орынбасары – сауда және интеграция министрі Серік Жұманғарин де ерекшеленбей, жұбайына гүл сыйлауды ұйғарған.

"Гүлдер, деп ойлаймын. Сондай-ақ жолдастарыммен әйелдерімізді мейрамханаға шақыруды жоспарлап отырмыз. Бұл әйелдер мерекесі, біз оны ешқашан ұмытпаймыз, жыл сайын осы күні міндетті түрде әйелімді, анамды және әжемді құттықтаймын және гүлдер беремін", - деп бөлісті министр.

Сонымен қатар, ол сыйлыққа қанша бюджет жұмсауды жоспарлап отырғанына жауап берді.