Министрлік коронавирус жұқтырған оқушыларға қатысты пікір білдірді

Оқу жылының басынан бастап 73 бала кезекші сыныптарда коронавирус жұқтырған. Бұл туралы денсаулық сақтау вице-министрі Ажар Ғиният айтты, - деп хабарлайды Tengrinews.kz тілшісі.

"Бүгінде оқушылар арасында 184 жағдай тіркелді. Оның 73-і - кезекші сыныптардың оқушылары. Егер өңірлер бойынша айтатын болсақ, ШҚО-да 17 мектепте 21 жағдай тіркелген, әр мектепте бір-бірден екі жағдай. СҚО-да 11 мектепте 15 жағдай тіркелген. 12 бала стационарлық ем алып жатыр, жағдайы орташа", - деді Ажар Гиният.

Мұның алдында Денсаулық сақтау министрлігінің ресми өкілі Бағдат Қоджахметов қазақстандық мектептердің кезекші сыныптарында 52 баладан коронавирус анықталғанын айтқан еді.

Қазақстан жаңалықтары. Соңғы жаңалықтар. Telegram желісінде бізге жазыл!