14 ақпан 2018 | 09:04

Министрлік "Уроды Алматы" паблигін тексеріп жатыр

Ардақ Құлтаев

Қазақстанның Ақпарат және коммуникациялар министрлігі "ВКонтакте" желісіндегі "Уроды Алматы" тобын заңнаманы бұзған-бұзбағанын анықтап жатыр. Бұл туралы ведомстводағылар Tengrinews.kz тілшісіне хабарлады.

Қазақстанның Ақпарат және коммуникациялар министрлігі "ВКонтакте" желісіндегі "Уроды Алматы" тобын заңнаманы бұзған-бұзбағанын анықтап жатыр. Бұл туралы ведомстводағылар Tengrinews.kz тілшісіне хабарлады.

Жалғасы

■

Министрлік "ВКонтакте" желісіндегі "Уроды Алматы" тобын бұғаттады

14 ақпан 2018, 16:17

Пабликте балалардың суреті жарияланып, қолданушылар түрлі жағымсыз пікірлер қалдырады.

Министрлік өкілдері сараптама жүргізіліп жатқанын хабарлап отыр.

"Бұл контент сараптамада, алдағы уақытта заң бойынша шешім шығарылады", - делінген министрліктің Tengrinews.kz сауалхатына берген жауабында.

Ведомство өкілдері ақпарат кеңістігінде Қазақстан заңнамасын бұзатын контентке тәулік бойында бақылау жүргізілетінін қоса айтты.

"Қазақстан Республикасының заңнамасын бұзатын материал табылған жағдайда интернет-ресурс немесе әлеуметтік желі иесіне, осы жағдайдағыдай, контентті жою туралы ескерту жолданады. Интернет-ресурс иесі жоймаса министрлік байланыс операторларына Қазақстан Республикасының "Байланыс туралы" заңының 41-1-бабының тәртібінде қарастырылған шара қолдануға ұйғарым жіберіледі", - дейді ведомство өкілдері.

Әлеуметтік желі Сурет Заң