+7 (777) 001 44 99
Қазақша
Русский
English
Қазақша
Русский
English
Қазақстан Республикасы Ақпарат және коммуникациялар министрлігі, Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінің талаптарымен "ВКонтакте" желісіндегі "Уроды Алматы" тобы бұғатталды, - деп хабарлайды Tengrinews.kz тілшісі.
Еске сала кетейік, осыған дейін Ақпарат және коммуникациялар министрлігінің "ВКонтакте" желісіндегі "Уроды Алматы" тобын заңнаманы бұзған-бұзбағанын анықтап жатқаны хабарланған болатын.
Пабликте балалардың суреті жарияланып, қолданушылар түрлі жағымсыз пікірлер қалдырған еді.
Министрлік өкілдері сараптама жүргізіліп жатқанын хабарлап отыр.
"Бұл контент сараптамада, алдағы уақытта заң бойынша шешім шығарылады", - делінген еді министрліктің Tengrinews.kz сауалхатына берген жауабында.
Ведомство өкілдері ақпарат кеңістігінде Қазақстан заңнамасын бұзатын контентке тәулік бойында бақылау жүргізілетінін қоса айтты.
"Қазақстан Республикасының заңнамасын бұзатын материал табылған жағдайда интернет-ресурс немесе әлеуметтік желі иесіне, осы жағдайдағыдай, контентті жою туралы ескерту жолданады. Интернет-ресурс иесі жоймаса министрлік байланыс операторларына Қазақстан Республикасының "Байланыс туралы" заңының 41-1-бабының тәртібінде қарастырылған шара қолдануға ұйғарым жіберіледі", - дейді ведомство өкілдері.
