+7 (777) 001 44 99
Қазақша
Русский
English
Өзбекстан президенті Шавкат Мирзиеев Нұрсұлтан Назарбаевқа жеделхат жолдады, - деп хабарлайды Tengrinews.kz тілшісі Elbasy.kz сайтына сілтеме жасап.
Шавкат Мирзиеев Елбасының коронавирус жұқтырғаны туралы хабарды үлкен алаңдаушылықпен қабылдағанын жеткізді.
"Сізге осынау қиын-қыстау уақытта жан-жақты қолдау көрсетуге және жаныңызда болуға дайын екенімді жеткізгім келеді.
Жақын арада Сіздің бұл вирусты жеңіп, сауығып кететініңізге сенімдімін.
Құрметті Нұрсұлтан Әбішұлы, Алла Тағала Сізге зор денсаулық, күш-қуат, ұзақ ғұмыр және жаңа табыс берсін деп тілеймін.
Жақында Өзіңізбен жүздесу мүмкіндігі туады деген үміттемін", - делінген жеделхатта.
Еске салайық, кеше Елбасы Нұрсұлтан Назарбаевтың оқшауланып, қашықтан жұмыс істеп жатқаны хабарланған. Оның коронавирусты анықтауға тапсырған сараптамасы оң нәтиже көрсеткен.
Қазақстан жаңалықтары. Соңғы жаңалықтар. Telegram желісінде бізге жазыл!
