10 наурыз 2023 | 08:44

Мұғалімдер күні: Үкімет қаулы қабылдады

Дина Шарипханова Корреспондент

Фото: Тұрар Қазанғапов/Tengrinews.kz

Қазақстанда мұғалімдердің кәсіби мерекесі атап өтілетін күн бекітілді, - деп хабарлайды Tengrinews.kz тілшісі.

5 қазанда мұғалімдердің кәсіби мерекесі – Мұғалімдер күні аталып өтіледі. Қаулыны Үкімет қабылдады.

"Мемлекеттік мерекелер тізіміне сәйкес, республикада Мұғалімдер күні осы уақытқа дейін қазанның бірінші жексенбісінде тойланып келді. Енді бұл мереке 5 қазанда әлемнің 100-ден аса елі атап өтетін Дүниежүзілік мұғалімдер күнімен сәйкестендірілді", - делінген Үкімет сайтында.

"Мұғалімдер күні – білім беру саласындағы қызметкерлердің барлығына ортақ кәсіби мереке. Бұл күні ұстаздар қауымының қоғам дамуындағы рөлі мен еңбегі, оған қосатын зор үлесі аталып өтіледі", - делінген хабарламада.

Оқу-ағарту министрлігі мәліметінше, бүгінде Қазақстанда мектепке дейінгі, орта, техникалық және кәсіптік білім беру ұйымдарында 556 мың педагог еңбек етеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қазақстан Мереке мұғалім

TENGRI travel