Мұның теракт болғанын мәлімдейміз - Қасымов Ақтөбедегі оқиғалар жайлы

06 Маусым 2016, 17:06
0
Мұның теракт болғанын мәлімдейміз - Қасымов Ақтөбедегі оқиғалар жайлы - Видео кадры
Видео кадры

ҚР ішкі істер министрі Ақтөбеде кеше болған оқиғаны террорлық акт болғанын мәлімдеді, - деп хабарлайды Tengrinews.kz тілшісі. Бұл туралы ІІМ басшысы үкімет отырысының үзілісінде мәлімдеді.

"Мұның теракт болғанын мәлімдейміз. Сондықтан қазіргі заңнамаға сәйкес операцияның осы деңгейі енгізілді. Мұнда барлық күш құрылымдары күшейтілген тәртіпке өтіп жатыр. Біз барлық нысанды күзетуге көштік", - деп мәлімдеді Қалмұханбет Қасымов. 

Министр Ақтөбеде штаб жұмыс істеп жатқанын еске салды. "Ол жақта күш пен құрал жетерлік. Біз көп адамды жөнелтпедік, арнайы мақсаттағы жауынгерлерді ғана. Жалпы Ақтөбенің өз күші жеткілікті", - деді ішкі істер министрі.

"Бізде нақты қылмыскерлер бар, әрекеттеріміз де нақты, мұның барлығы тіркелген. Екіншіден біз барлық адамнан жауап алып жатырмыз. Барлығы бар, тіпті жиынға қатысқандары да, жарақат алғандары да, ұсталғандары да", - деп мәлімдеді Қасымов.

Бұған дейін ол жалпы атыстардан қаза тапқандар мен зардап шеккендер жайлы мәліметтерді келтірген болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай