+7 (777) 001 44 99
Қазақша
Русский
English
Вице-премьер, ұлттық экономика министрі Серік Жұманғарин Қазақстандағы қосылған құн салығының (ҚҚС) мөлшерлемесін көтеру туралы пікір білдірді, - деп хабарлайды Tengrinews.kz тілшісі.
Үкіметтегі брифингте Жұманғарин ҚҚС-тың 20 пайыздық мөлшерлемесі әлемде ең кең таралғанын айтты.
"Бірақ әлі нақты шешімге келген жоқпыз. Бізде елдің жетекші экономистері мен салық мамандарынан тұратын бірнеше кеңесші бар, олар түрлі есептеулер мен стресс-тесттер жүргізеді. Ұлттық банктің макроқаржылық моделі негізінде бірнеше есептеу жасадық. Әзірге есептеуді жалғастырып жатырмыз. Сондықтан, үкімет нақты шешім қабылдады және бұл мөлшерлеме негізгі болып бекітілді деп айтуға келмейді", – деді Серік Жұманғарин.
Сонымен қатар, ол Қазақстанға салық реформасы қажет екенін және ҚҚС мөлшерлемесі шын мәнінде көтерілетінін атап өтті.
"Біз қазіргі жағдаймен өмір сүре алмаймыз, өйткені елдегі қазіргі заңнама көпшілік кәсіпкерлерге салықты оңтайландыру үшін ресми мүмкіндіктер жасап отыр. Яғни, мемлекет өз функцияларын – әлеуметтік және мемлекет жұмыс істеуге қабілетті болуы үшін қажет функцияларды орындауы керек. Мемлекет салық жинамаса, оны қалай орындайды? Бұл анық нәрсе деп ойлаймын. Сондықтан ҚҚС мөлшерлемесін көтеруге ниеттіміз. ҚҚС мөлшерлемесін қаншалықты көтеретініміз әлі талқыланып жатыр", – деп қосты вице-премьер.
Серік Жұманғарин өзгерістер қазіргі уақытта Парламентте талқыланып жатқан Салық кодексінің жобасына енгізілетінін еске салды. Үкімет бұл құжатты маусымда қабылдайды деп үміттенеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
