+7 (777) 001 44 99
Қазақша
Русский
English
Қазақша
Русский
English
Маңғыстау облысы Таушық ауылындағы наурыз мерекесі ерекше тойланды. Балабақша әкімшілігі бүлдіршіндер арасында арқан тартыс, асық ату, қозы көтеру секілді ұлттық ойындардан жарыс ұйымдастырған. Кішкентай балақайлардың мерекесі тартысты өтті, - деп хабарлайды Tengrinews.kz тілшісі "КТК" телеарнасына сілтеме жасап.
Санжар есімді бес жасар балақайдың қозы көтеріп жатқан сәті көпшілікті сүйсінтті. Ол көктемгі төл қозыны 35 рет көтеріп, бірінші орын алған.
Бөбекжайдағы "әз-Наурыз" мерекелік іс-шарасына балдырғандардың ата-аналары, балабақша ұжымы қатысқан. Аулада қазан асылып, наурыз көже пісіріліп, ұлттық салт-дәстүр насихатталыпты.
Тәрбиешілердің айтуынша, қозы көтеру ұлттық ойнын ұйымдастырудағы мақсаты – бүлдіршіндерді ептілікке баулып, ұлттық құндылықтарды бойына сіңіру.
"Балаларға қазақтың ұлттық ойындарын, арқан тартыс, асық ату, қозы көтеруді ойнаттық. Қозы көтеруде бес жасар Санжар қозыны 35 рет көтеріп, ойынның мәнін де, сәнін де келтірді", - дейді балабақша меңгерушісі Индира Әлішбаева.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
