+7 (777) 001 44 99
Қазақша
Русский
English
2017 жылдың наурыз айында қазақстандық жаңа "Ел Арна" киноарнасы іске қосылады, - деп хабарлайды Tengrinews.kz тілшісі.
"Қымбатты достар! Ұлыстың Ұлы күні - Наурыз мейрамы қарсаңында біз жаңа телеарнаны іске қосуды жоспарлап отырмыз. Отандық режиссерлердің көркем және деректі фильмдерін, сериалдарын енді "Ел Арна" деп аталатын осы жаңа арнадан тамашалай аласыздар. Соңғы жылдары өзіміздің режиссерлер түсірген төл туындылардың көбейіп келе жатқаны аян. Біздің мақсатымыз - сол фильмдердің көрерменге барынша қолжетімді болуына, оларға сұраныстың ұлғаюына негіз салу. Осы арқылы қазақстандық киноөнімдердің саны мен сапасының артуына қолдау көрсету", - деп жазды ҚР ақпарат және коммуникациялар министрі Facebook желісінде.
Министрдің айтуынша, киноарна кестесінде трансляция мен бағдарламалар қарастырылмаған.
Еске сала кетейік, "Ел Арна" телеарнасы 2014 жылдың 18 наурызынан бастап жұмысын тоқтатқан болатын.
