1. Басты
  2. Біл
  3. Жаңалықтар
  4. Ел жаңалықтары

Назарбаев Chevron президентімен қалай пікірталастырғаны жайлы айтып берді27 мамыр 2016, 14:53

Мемлекет басшысы Нұрсұлтан Назарбаев шетелдік инвесторларды елімізге қалай тартқаны жөнінде айтып берді, - деп хабарлайды Tengrinews.kz тілшісі. Астанада Шетелдік инвесторлар кеңесінің отырысы өтті.

"21 жыл бұрын мен алғаш рет Chevron компаниясымен келіссөз жүргізіп, оларды Қазақстанға шақырдым. Мен компанияның сол кездегі президенті Дер мырзаға қарсы отырып, салық жөнінде, қандай аймақта болатыны жөнінде пікір таластырдым. Ол маған: Сіздерде заң да, мамандар да, технология да жоқ. Біз ол жаққа не нәрсеге сеніп барамыз? Сіздер бізді немен көндіре аласыздар? - деп сұрады. Мен оған былай дедім: менің бір ғана аргументім бар - сіздер маған сену керексіздер. Мен олардың үмітін ақтадым деп ойлаймын. Қазір олар Қазақстанда табысты жұмыс істеп жатыр", - деді Мемлекет басшысы.