Назарбаев даңғылындағы Фурмановтың ескерткіші ықшамауданға көшіріледі

Осыған дейін Назарбаев даңғылында тұрған Дмитрий Фурмановтың ескерткіші "Сары-Арқа" саябағына көшіріледі. Бұл туралы Tengrinews.kz тілшісіне Алматы қалалық Мәдениет және мұрағаттар басқармасының өкілдері хабарлады.

"Дмитрий Фурмановқа арналған ескерткіш Кеңес одағының бұрынғы басшыларына арналған ескерткіштер тұрған "Сары-Арқа" саябағына орнатылады", - деді ведомство өкілдері.

Осыған дейін Назарбаев даңғылы (бұрынғы Фурманов - Авт.) мен Құрманғазы көшесінің қиылысында Дмитрий Андреевич Фурмановтың құрметіне қойылған ескерткіштің жоғалып кеткені жайлы хабарланған болатын.

Еске сала кетейік, былтыр қараша айында Алматыдағы Фурманов көшесі Назарбаев даңғылы болып өзгертілген еді.