01 желтоқсан 2015 | 20:53

Назарбаев жаңажылдық бас шыршаның шырағын жағу рәсіміне қатысты

ҚР Президенті Нұрсұлтан Назарбаев жаңажылдық бас шыршаның шырағын жағу рәсіміне қатысты. Мемлекет басшысы рәсім барысында қатысушылардың барлығын алдағы Жаңа жылмен және елдің бас шыршасы шырағының жағылуымен құттықтады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.

ҚР Президенті Нұрсұлтан Назарбаев жаңажылдық бас шыршаның шырағын жағу рәсіміне қатысты. Мемлекет басшысы рәсім барысында қатысушылардың барлығын алдағы Жаңа жылмен және елдің бас шыршасы шырағының жағылуымен құттықтады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.

"Жаңа жыл - әсіресе өскелең ұрпақ үшін асыға күтетін айрықша мереке. Жаңа жыл салтанатына дейінгі ай армандаумен және ғажайыпты күтумен өтеді. Барлық қалауларыңыздың орындалуына тілектеспін. Біздің еліміздің мақсаты - Мәңгілік ел болу, әлемнің дамыған 30 елінің қатарына қосылу. Біз елімізді дамытып, оның халықаралық аренадағы беделін көтеруге ұмтылуымыз керек. Аға буын, соның ішінде сендердің ата-аналарың нақ сол үшін және Қазақстан жастарының игілігі үшін жұмыла еңбек етуде. Біз туған елді, оның астанасын, таулары мен сай-саласын, орманы мен даласын, өзендері мен көлдерін сүйеміз. Осының бәрі - біздің Отанымыз, - деді Қазақстан Президенті.

Соңында Нұрсұлтан Назарбаев баршаға мықты денсаулық, оқу мен еңбекте табыс, игілік және бақ-береке тіледі.

Айта кетейік, мерекелік шоуға 2300-ден астам оқушы және қаланың белгілі шығармашылық ұжымдары қатысты. Рәсім арқылы бүкіл ел бойынша мерекелік шаралар басталды.

Назарбаев Нұрсұлтан Мереке Жаңа жыл