09 тамыз 2016 | 16:01

Назарбаев Пәкістан президентіне көңіл айтты

Мемлекет басшысы Пәкістанның Кветта қаласында болған террорлық акт салдарынан көптеген жазықсыз адамның қаза болғаны туралы суыт хабарды зор күйзеліспен қабылдағаны жайында жеделхатта атап өткен, - деп хабарлайды Тengrinews.kz тілшісі Ақорданың сайтына сілтеме жасап.

Мемлекет басшысы Пәкістанның Кветта қаласында болған террорлық акт салдарынан көптеген жазықсыз адамның қаза болғаны туралы суыт хабарды зор күйзеліспен қабылдағаны жайында жеделхатта атап өткен, - деп хабарлайды Тengrinews.kz тілшісі Ақорданың сайтына сілтеме жасап.

"Қазақстан жаһандық қауіпсіздікке қатер төндіретін халықаралық экстремизм мен терроризмнің әрекеттерін қатаң айыптайды. Әлемдік қауымдастықтың осы қауіп-қатердің таралуына қарсы күрестегі күш-жігерін толық қолдаймыз", - делінген жеделхатта.

Нұрсұлтан Назарбаев қайғыға ортақтаса отырып, Қазақстан халқының және жеке өзінің атынан қаза болғандардың отбасыларына және жақындарына, сондай-ақ барша достас Пәкістан халқына көңіл айтты.

Елбасы зардап шеккендердің тезірек сауығып кетуіне тілектестік білдірді.

Терроризм соңғы жаңалықтар Пәкістан Нұрсұлтан Назарбаев

TENGRI travel