1. Басты
  2. Біл
  3. Ел жаңалықтары

Назарбаев Парламент палаталарының бірлескен отырысын ашты

  • 2
© Тұрар Қазанғапов © Тұрар Қазанғапов

Астанада Президент Нұрсұлтан Назарбаевтың қатысуымен Парламент палаталарының бірлескен отырысы басталды, - деп хабарлайды Tengrinews.kz тілшісі.

Мемлекет басшысы депутаттарды каникулдан қарсы алды.

"Құрметті депутаттар, үкімет мүшелері, шақырылған қонақтар, Қазақстан Республикасы Конституциясының 59-бабына сәйкес, Парламенттің алтыншы шақырылымының төртінші сессиясын ашық деп жариялаймын", - деді Мемлекет басшысы.

Қазақстан Президентінің айтуынша, биыл жазда барлық депутат өңірлерді аралады және олар халықтың мұң-мұқтажын біліп қайтты. Мемлекет басшысының ойынша, бұл жұмыстар қазақстандықтардың дәулетін арттыруға көмектеседі.

"Кейінге қалдыруға болмайтын жұмыстар тұр. Стратегиялық мақсат қойылды", - деді Нұрсұлтан Назарбаев депутаттарға.

Еске сала кетейік, 2018 жылы 29 маусымда Қазақстан Парламенті алтыншы шақырылымның үшінші сессиясын аяқтаған болатын. Депутаттар каникулда немен айналысатындарын айтты.