Назарбаев педофилдерді кастрациялауды заңнамалық түрде бекітті

21 Сәуір 2016, 16:41
0
Назарбаев педофилдерді кастрациялауды заңнамалық түрде бекітті - © fakt.pl
© fakt.pl

Қазақстан Президенті Нұрсұлтан Назарбаев "Қазақстан Республикасының кейбір заңнамалық актілеріне баланың құқықтарын қорғау мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, - деп хабарлайды Tengrinews.kz тілшісі Ақордаға сілтеме жасап.

Хабарламада Заңның балалардың құқықтарын қорғау жүйесін жетілдіруге бағытталғаны айтылады. Заң жобасындағы өзгертулердің ішінде педофилдерді піштіру жазасын қолданысқа енгізу де бар.

"ӘҚБтК, қылмыстық-атқару кодексіне өзгерістер енгізіледі. Өзгерістер жыныстық қол сұғушылық мәніндегі қылмыстардың жазасын қатаңдатуға бағытталады. Оның ішінде педофилдерге химиялық кастрация түріндегі медициналық шараны қолдану нормасы бар", - деп мәлімдеген болатын Парламент Сенатының әлеуметтік-мәдени даму комитетінің мүшесі Төлеубек Мұқашев "Қазақстан Республикасының кейбір заңнамалық актілеріне баланың құқықтарын қорғауды қамтамасыз ету мәселелері бойынша өзгерістер мен толықтырулар енгізу туралы" заң жобасын талқылау барысында.

Сонымен қатар, заң жобасында жетім балалар туралы республикалық мәліметтер банкін құру мәселесі де қарастырылған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай